張衛健孭飛的劇集《大帥哥》,早前被指無緣入圍角逐頒無綫的頒獎典禮,不過今日劇集卻在提名名單上。張衛健更有份角逐最佳男主角及最受歡迎電視男角色,對此,身在南非陪太太度假的他表示:「開心開心,好開心,緊系開心啦!有得提名已經好開心,希望觀眾鍾意,有冇獎攞都唔緊要。」


劇中的演員徐榮對此並不感到意外﹕「其實套劇12月3號播出,我之前都估計得到,有張衛健嘅劇出街,大家一定好想睇,一定會入圍,我對佢嘅角色有信心,因為大家都知道佢系集體回憶,大家都想睇佢嘅演出。(你睇好邊個奪視帝?同劇嘅洪永城同張衛健都有份入圍。)梗系大哥張衛健,洪永城第二,佢都OK。(頒獎禮系12月16號舉行,《大帥哥》播得幾集,會唔會覺得好蝕底?)都唔會,張衛健嘅觀眾緣系積落嚟,大家都好期待睇佢。」