喺無綫熱播新劇《跳躍生命線》入面,張曦雯(Kelly)一下子攀升做咗女主角,飾演個性「麻甩」的車房妹「文暉」,角色令人眼前一亮。但網上就傳佢嘅身世好神秘。

現年28歲嘅無綫張曦雯(Kelly),2012年獲選國際中華小姐冠軍。佢除咗樣靚氣質好,上年仲喺社交網直播打機,打破咗自己高不可攀嘅形象,被宅男捧為「打機女神」。

有本地媒體就爆料,外表似十足「ABC」嘅Kelly家庭背景僅只「一般般」,也一樣反差大。有消息人士指,Kelly喺小學四年班先移民美國,而張曦雯嘅父母都係草根,移民前居住喺黃大仙下邨公屋。張父任職技工,張母幫人做facial,仲同親友合資經營美容舖,收入一般。

嗰位爆料者仲話,張曦雯本身叫「詠欣」,直至兩歲先搵相士指點,改做「曦雯」,「而家父母憑女貴,都證明當初個相士好靈啦!」

(資料來源:網上截圖/連結)