近年喺大陸發展嘅李彩華(Rain),趁住今日2018最後一日,喺微博貼咗幾張佢日前喺「藝美獎」攞咗女主角獎嘅相,並留言寫住︰「2018快要結束了,在結束之前獲得最佳女主角,是2019的一個好開始。」

外國就有艾美獎,而大陸嘅廣州就有個「藝美獎」,呢個「藝美獎」上星期四喺廣州番禺舉行,仲係廣州首次舉辦嘅「花城電影節」,出席嘅港星除咗有李彩華,仲有吳啟華、湯鎮業、李修賢、吳志雄等,佢哋除咗幫大會做頒獎嘉賓,仲有份得獎,好似吳志雄攞咗「最佳電影貢獻獎」,湯鎮業都有個「電影終身獎」,睇嚟都係畀面派對。

(資料來源:網上截圖/連結)