「The Rock」狄維莊遜(Dwayne Johnson)一向都好有愛心,最近佢就邀請埋《狂野時速》(Fast & Furious)外傳《Hobbs & Shaw》拍檔,動作影星積遜史迪咸(Jason Statham),齊齊於聖誕喺片場上與病童相聚,仲大送禮物。

狄維莊遜上載一段影片,片中見到佢正趕拍緊《Hobbs & Shaw》,不過都特意抽時間同3名小朋友相聚,之後積遜史迪咸就話:「點呀小朋友?你哋覺得我定狄維搞笑啲?」結果小朋友都係答狄維。狄維莊遜再為小朋友送上親手焗嘅朱古力曲奇及一大堆聖誕禮物,小朋友都話好似夢想成真一樣。

(資料來源:網上截圖/連結)