洪永城自從上年同唐詩詠結束兩年半戀情後,佢同模特兒梁諾妍(Inez)拍拖,佢更公開讚女友優點多,噚晚11點幾,洪永城喺Ig首晒同Inez嘅合照。

原來黃翠如、洪永城、蕭正楠、陳敏之及黃致豪等,約埋除夕夜開party倒數迎元旦,fans即留言「新女友出現啦」、「大家都有好歸宿」、「女朋友好靚女」,另有網民覺得洪永城女友Inez笑起上嚟幾似陳茵媺,又有人覺得Inez似足田蕊妮,笑言「原來洪生同杜生品味係一樣嘅」,而好友黃翠如就搞笑咁喺呢個post留言「Where is my 廚師腸」,洪永城簡單回覆「食咗」,佢似乎又蝦黃翠如。

據知Inez中學畢業後去咗加拿大讀書,於多倫多大學畢業,近年回港發展,讀書時已經係運動健將,熱愛排球同長跑,早前先參加過挪威奧斯陸馬拉松嘅半馬組,性格好動,難怪吸引到「大細路」性格嘅洪永城啦!

(資料來源:網上截圖/連結)