日本女子組合乃木坂46人氣一時無兩,一姐白石麻衣登上新一代寫真女王之寶座,其他隊友齋藤飛鳥及已宣佈畢業嘅西野七瀨同屬銷量保證,而另一人氣成員生田繪梨花本月推出嘅第二本個人寫真集《Intermission》,未上架已被看高一線,由於訂貨量驚人,故首批出貨多達20萬本,係出版嘅講談社創業110年以來,史上最高出貨量嘅女星個人寫真集,白石麻衣嘅暢銷寫真集《Passport》首批出貨都只得10萬,而《Passport》目前嘅印刷量已累積達34萬本。

21歲嘅生田繪梨花於2016年推出嘅處女作《轉調》,當時亦反應不俗,成為2016上半年最暢銷寫真集,今次生田再接再厲,更明顯「升Cup」,由本來嘅鄰家女孩搖身變成性感女神。

(資料來源:網上截圖/連結)