08年參加港姐得季軍後加入無綫嘅馬賽,喺浸會大學修讀傳理學院電影電視系,翌年就有劇拍。拍劇之餘,馬賽嘅感情生活亦多姿多采,佢不時同同劇男藝人如劉松仁、吳卓羲、周志文都傳緋聞,證明馬賽「人緣」都真係唔錯。

2009年,馬賽拍攝喺無綫第一套劇《女王辦公室》時,就同演佢「男友」嘅吳卓羲傳緋聞,當時有傳兩人喺公司出雙入對之餘,私下又經常約出街,但馬賽就以「師兄」去叫吳卓羲,不過兩人就一直否認戀情。

2012年,馬賽拍《名媛望族》時,又被指搭上同劇的周志文,仲搞到周志文當時嘅o靚模女友袁紫僑叫馬賽做「小三」之餘,仲要飛埋去上海睇實男友。

2014年,有指馬賽經常傳曖昧嘅短訊畀一個年過50歲嘅男藝人,而當時大家猜測呢個人就係喺《名媛望族》時合作過嘅劉松仁,事後劉松仁雖然話有同馬賽聯絡,但就否認收到呢類短訊,而馬賽亦喺出席活動時向受到牽連的前輩致歉。

(資料來源:網上截圖/連結)