77歲嘅盧海鵬(鵬哥),去年11月被傳媒踢爆佢入養和醫院做通波仔手術,當日佢出院時係由個女同好友戚美珍陪同,本來鵬哥係唔肯做手術,但因為戚美珍同杜琪峯好緊張鵬哥身體,所以一齊夾鵬哥做手術。

資深傳媒人汪曼玲噚日喺facebook貼咗自己同鵬哥合照,留言:「我和鵬哥都是波仔會的會員,大家都在血管入了三個支架。我在十年前做的手術,他卻是2018才做。
鵬哥說,其實他一點都沒有不舒服,只是三嫂戚美珍陪他看糖尿病醫生,感覺有異常,後來又做了MRI(顯影技術),發現其中一條血管阻塞了90%,他本來還不想入院通波仔,拖了一個多月,拼命做運動睇下自己有冇唔舒服。後來古天樂、杜琪峯約他吃飯,不斷勸他入院,並說錢方面不用考慮。」

汪曼玲又話:「他住養和6人房埋單廿幾萬,古天樂先埋單,後來鵬哥搞保險賠償。從這件事可以看出,娛樂圈其實(人間有情)。鵬哥還搞笑的說:通唔通波仔,身體上唔覺得有分別?其實係絕對有分別,阻塞90%血管很容易出狀況㗎,做了手術,血管通暢,安全得多,健康有保障!」

傳媒打畀鵬哥,講到佢通波仔古仔幫佢埋單先,之後鵬哥再claim保險,鵬哥話:「係呀,我同古仔唔熟㗎,係拍戲先識咋。」講到古仔好有情有義,鵬哥話:「係呀。」

(資料來源:網上截圖/連結)