韓國JTBC人氣劇《天空城堡》(Sky Castle)現時喺韓國熱播中,亦令劇中嘅演員人氣急升。

當中喺劇中飾演入學協調員嘅金瑞亨,佢於劇中嘅神秘女兒「K」亦獲觀眾留下深刻印象。喺噚日播出第13集中,K嘅身份亦漸漸浮出水面,佢原本為智商達200嘅天才兒童,但因發生交通事故致腦部損傷而患有精神障礙。而K初初登場時,觀眾仲以為佢身份係金瑞亨嘅兒子,後來先得知K其實係女兒身份。

至於飾演K嘅趙美女(譯音)為咗演活K呢個角色,佢亦好大犧牲,今日佢仲喺Instagram上載新相,又指喺研究K呢個角色時,佢特別增肥咗18kg(約40磅),又留言:「之後《天空城堡》我同媽媽會點樣,我也很好奇,我會努力做好。」

另外,趙美女係話劇演員出身,曾出演多齣話劇,演戲經驗豐富,佢亦曾參與多齣劇集,如《Doctors》、《舉重妖精金福珠》,喺
《舉重妖精金福珠》中佢曾接受舉重訓練。

(資料來源:網上截圖/連結)