藝人張繼聰同太太謝安琪(Kay)一直被網民公認為恩愛夫妻,佢哋嘅仔女張瞻(James)同張靖(Karina)同樣受網民喜愛。近日張繼聰一家就一齊去咗睇展覽,佢哋一家人仲襯好晒Dress code,而且影咗張好Chok嘅大合照上載到社交平台,不過張全家福嘅焦點就放到兩個小朋友身上,不少網民都覺得佢哋大得太快喇!

謝安琪細女好識擺甫士

張繼聰一家四口一直都受到網民追捧,佢哋兩公婆仲不時擺仔女嘅生活片段到社交網站同網民分享。早排要忙住出席各大頒獎禮嘅Kay依家終於可以抖吓喇,呢日佢就同埋屋企人一齊去咗睇畫家小克嘅畫展,張繼聰仲將分享咗佢哋嘅全家福。不過,張相就畀兩個小朋友搶晒鏡,特別係呢一張合照,梳住噴泉頭嘅哥哥張瞻單手叉住腰,Chok到爆!

喺相入面到見,兩個小朋友唔經唔覺已經大個咗好多,11歲嘅張瞻已經學識打扮,仲高到去媽媽嘅膊頭!兩兄妹仲學識擺甫士,哥哥識Chok樣,而妹妹張靖兩隻手篤住臉仔扮可愛,張繼聰同謝安琪都冇佢哋咁搶鏡!阿聰仲留言話「#哥哥曉擺甫#妹妹識插袋」。

不少網民都大讚「妹妹真係好得意」、「哥哥賣型!妹妹賣萌」、「全家型到一個點!依家連妹妹都識擺post」

已經11歲嘅哥哥真係長大咗好多!

張繼聰考囡囡點叫老竇

其實張繼聰呢家人耐不耐就會喺個人社交網上載相片或短片,分享生活點滴嘅同時,兩公婆亦愛互相留言「窒」對方,以打情罵俏嘅方式曲線放閃!之前張繼聰就上載一段不斷問囡囡「動物點叫」嘅對答短片喺個人社交網,片中開首老竇就起勢咁問囡囡KaKaBall狗、貓、鴨、牛、雞、羊呢啲動物點叫,而呀囡亦非常有耐性咁續一回答「谷谷」、「咩咩」嘅叫聲,非常萌爆!

問到鴨仔點叫時,KaKaBall仲勁叻叻豬咁拎起隻膠鴨仔畀老竇睇,真係醒目呀!

經過一輪問動物點叫嘅對答後,張繼聰終於入自己心中一直想問嘅正題,佢就問呀女:「咁爹哋點樣叫㗎?」

KaKaBall諗一諗後,就勁醒目咁答:「阿聰!」聽到老竇起勢咁爆笑!

張繼聰:我係佢最大𠴱隻毛公仔

張繼聰首先分享了一張個人照片,見他拿著兩個毛公仔,指自己最近經常陪1歲大嘅女兒Karina玩毛公仔:「依排玩咩?陪妹妹玩毛公仔」。

不一會兒,張繼聰又分享一段影片,片中見到Karina主動跑去抱著爸爸,張繼聰sweet爆指:「我就係佢最大果(𠴱)隻毛公仔」,大晒幸福!

要哥哥定爸爸?張繼聰同11歲張瞻爭女

自從細女Karina出世後,張繼聰全家都非常愛錫囡囡,簡直當囡囡係公主!早前張繼聰就同囝囝張瞻玩爭寵,片中囡囡Karina企喺囝囝同張繼聰中間,囝囝同爸爸各自引Karina前往自己身邊,最後輸左嗰個竟然抱頭痛哭⋯⋯

張繼聰

只見最後囡囡揀咗攬哥哥,哥哥笑到見牙唔見眼!

張繼聰

而張繼聰爭寵失敗,竟然碌地兼「抱頭痛哭」!

張繼聰

張繼聰

張繼聰 同囡囡玩「機動遊戲」

不過張繼聰都有絕招,就係同囡囡玩打關斗,呢樣「機動遊戲」哥哥就做唔到啦!

遊戲開始,先見囡囡衝埋張繼聰度,之後佢將囡囡成個擺咗上腳,再舉起雙腳,令囡囡幾乎倒立!

最後又成個秤起囡囡,安全落地!

(資料來源:網上截圖/連結)