近日憑大台劇《大帥哥》中「天嬌」一角大受歡迎嘅譚凱琪,今日到商台宣傳,提到佢喺《大帥哥》中慘死收場,但譚凱琪話感覺好親切,有唔少街坊都叫佢做天嬌,更開拓咗兒童界fans。

日前一班演員相約食飯齊齊欣賞結局篇,譚凱琪卻因為身在澳門工作,未能出席飯局,佢話:「前晚我先睇番大結局,專登保持神秘,想同步感受。」

譚凱琪話同張衞健(Dicky)合作獲益良多,早前佢因為劇集關係,相隔19年再次踏進錄音室,翻唱日本女歌手荒木毬菜首《小雨と君》,以天嬌身份送畀大帥哥,譚凱琪話:「Send咗畀Dicky後,佢主動話唱首《月光光》畀我加落尾段,20分鐘傳咗6個版本嚟,最後揀咗個悲情版,MV中剪輯咗劇中片段,好感人,還天嬌一個結局。」

(資料來源:網上截圖/連結)