荷李活影星湯告魯斯(Tom Cruise)主演《職業特工隊》(Mission: Impossible)系列長拍長有,今日電影系列落實會開拍第7、8集,會由基斯杜化麥戈里(Christopher McQuarrie)繼續執導,預定2021年、2022年夏天會上映,靚佬湯今日都有喺社交網站發佈短片公佈呢個消息。

靚佬湯於1996年開始於《職業特工隊》系列扮特務Ethan Hunt,六部電影總票房超過35億美元(273億港元)。現年56歲嘅靚佬湯多年來堅持動作戲都要親身上陣,而拍攝第6集時,佢就曾於拍攝屋頂動作戲時受傷,當時佢走錯位不慎把腳撞牆,並導致骨折,認真搵命博。

(資料來源:網上截圖/連結)