郭羡妮(Sonija)同莊思敏(Jacquelin)到觀塘為大型新春裝置擔任揭幕嘉賓,兩人順道行一行桃花陣催旺人緣及桃花運。

Sonija今年會留港度歲,老公亦會從北京返港,每逢農曆新年都係佢大顯廚藝嘅時間,務求新年期間餐餐大魚大肉,大年初二就係親子時間,一家大細包餃子。在旁嘅Jacquelin聞言即表示要向Sonija拜師,Sonija話:「睇Youtube就得,我都係自學,都整得好食,我老公鍾意食我焗嘅羊髀同西洋菜湯,因為北方少湯水飲。」

Jacquelin將會同兩位妹妹返馬來西亞過年,問到會否有信心今年係最後一年逗利是?佢笑言:「信心我年年都有,年年都咁講。」Sonija鼓勵佢可能似自己,緣份到便短時間內結婚,Jacquelin表示承Sonija貴言,最好一年內結婚兼生孖胎,火速完成人生大事,問到妹妹思明是否同楊明好事近?身為家姐嘅Jacquelin話:「我唔會問,好似畀壓力佢哋咁,佢哋有分數,其實兩個人一齊,未必需要結婚,相處開心咪得。」

(資料來源:網上截圖/連結)