日劇女王米倉涼子主演嘅《Doctor-X》系列成為收視保證,去年佢再為朝日電視台劇集《Legal V》擔當女主角,唔做女神醫改演律師,同樣贏得口碑及不俗收視。

米倉涼子最近繼續效力朝日電視台,拍住女星黑木華拍攝60周年台慶劇《疑惑》,故事係改編自松本清張嘅同名經典,該作品早在1982年已被搬上大銀幕,更先後四度拍成電視劇,今次以單元劇形式安排下月3日晚上9時播出。

米倉在劇中演律師佐原卓子,為惹上殺夫罪名嘅黑木華擔任辯護律師,兩位女主角因劇情需要竟有咀嘴場面,米倉笑言埋位前對呢場女女kiss戲感到期待,而黑木華就話雖然拍攝時好緊張,但能夠啜一個咁靚嘅對手都感到好光榮。

(資料來源:網上截圖/連結)