雨僑和羅力威拍拖7年,去年終於拉埋天窗,所謂夫唱婦隨,羅力威和雨僑的Fans都可以一家親。過去羅力威和雨僑的Fans Club每年都會各自搞聚會,今次就決定二合為一,一起舉辦BBQ聚會,感覺好和諧。

聚會上,Fans除了準備蛋糕之外,還送上用兩人結婚相製作的日曆及十周年紀念特刊。而最特別是有媽媽級Fans送BB衫給雨僑,她笑說:「羅力威好多媽咪級Fans,佢哋送咗一啲初生嬰兒衫畀我,話係好意頭,希望我今年可以生番個金豬BB。佢哋平時仲會煲湯畀我老公飲,我就可以順手飲埋,好多謝佢哋!」

作為老公的羅力威收到Fans「order」,他說:「見到有啲Fans現在都成家立室,仲帶埋小朋友一齊參加聚會,真係好開心。見到佢哋嘅小朋友,加上大家嘅祝福,我都會加油嘅!」

(資料來源:網上截圖/連結)