麥美恩(Mayanne)今日在銅鑼灣出席活動,期間她大顯身手整沙律,盡顯賢良淑德。去年工作大豐收,Mayanne早前請家人去泰國旅行,稍後目標是請家人衝出亞洲到美國玩:「希望越賺越多,有目標係好事,同時要好嘅回報畀屋企人。」

上月28是Mayanne的31歲生日,父母由外地返港一齊慶祝,還有一班好友陪伴,她說:「好開心,又收到實用禮物。」而她在互聯網分享當晚有花收,明示緋聞男友許文軒(Edmond)所送,她說:「都間接關佢事,個心思係烙印(駱胤鳴)同另一半諗出嚟,代Edmond送畀我,於是影吓相玩競猜遊戲。」並透露Edmond窩心又體貼送上消水腫儀器給她。

Mayanne又直認Edmond非首次見家長,一班朋友和父母互相認識,對Edmond評價是幾好玩幾得意,是值得維繫的朋友,做朋友家長過關,但男朋友又如何?Mayanne就笑說:「未問喎。」又表示驚鍾意Edmond女粉絲誤會:「其實佢有好多選擇,佢係筍盤,我都係筍盤,又獨立又識煮食,又識照顧人。」

(資料來源:網上截圖/連結)