大家見到靚女有冇啲咩奇怪嘅行動?我就有。例如我每次見到啲又高又瘦腳又長嘅女仔,我就忍唔住衝過去伸手——度下如果我對腳有佢咁長,我會有幾高、呼吸嘅空氣有幾清新、中學時會溝多幾多個女同學。而如果我對腳有呢個「緒方咲」咁長,我真係計過,我起碼有六尺高呀!

「緒方咲」上年水著出道,之後就憑股下85cm嘅超長腿被稱為「摩天水著女星」,更加憑同一對腳於日本青少年雜誌《週刊Playboy》被評選為「美腳東橫綱」。值得一提嘅係佢身高「只有」168cm,即係兩條長腿已經佔一半高度(你自己度下就知唔係咁易),其餘一半嘅高度仲可以放到一個緊緻嘅Pat Pat、一條肥瘦適中嘅腰、一個豐滿嘅上圍、同一個…老實講叫OK啦嘅樣,真係宜室宜居有辦法都唔知點放到咁多嘢呀!

 

原文:MenClub 魏文青