老實講,男人就係注重女人嘅外表,我哋唔一定淨鍾意十八廿二嘅女仔,但如果你睇落去永遠都係十八廿二,我哋一定鍾意你多啲。如果大家都同意呢個邏輯,咁依世都淨係鍾意呢個「衣世」應該都冇咩問題啦?

「衣世」全名吉見衣世,係一個2007年就已經出道、中間仲休息過兩年嘅日本寫真偶像——數數手指你就會知佢已經相當遠離「十八廿二」——1987年出世嘅佢今年其實已經32歲,起碼都係一個輕熟女。但唔緊要呀,你睇佢依家個樣都係好可愛,同時又有幾分成熟韻味,而且身高163cm嘅佢有對大長腿,唔睇個出生年份係完全冇問題。睇佢呢個勢頭,去到40歲可能都係一個「美魔女」,對住佢成世都冇咩問題呀!

Instagram iyoyoshimi